كتبها د.صادق الرخ في 03:12 مساءً ::
3 تعليقات
في13,اغسطس,2007 - 05:19 مساءً, مجهول كتبها ...
لا الاتنين مع بعض عشان كدة لازم المواطن يبقى عايش زى البهلوان فى سيرك عشان بالعافية يكفى طلبات بيته وحياته الاساسية0اشكرك على دقة التعبير بالرسم0 نجلا0
في28,اغسطس,2007 - 08:33 صباحاً, د . صادق الرخ كتبها ...
صدقينى يا نجلا حتى لو عاش زى البهلوان
مش هيكفى احتياجات معيشته اللى كل يوم بتغلى وتغلى الى ان وصلت لدرجة الانفجار
لكى تحياتى
في09,أكتوبر,2008 - 03:20 صباحاً, sonyabasha كتبها ...
والفجر طالع والقمره لسه فى السما
الشمس طالعه مشقشقه
والناس بتجرى من جوه الجحور الضيقه
وناس بتجرى من جوه الخنادق
والكل يسال ليه بلدنا صاحيه بدرى
وليه كل الناس بتجرى
النهارده التلات
يوم نصب المشانق
واتجهزت مشنقه ورا مشنقه
والخلق تايهه مش مصدقه
صفوف ورا صفوف
ورجاله عايشه على الذل والخوف
طلع الصراخ من فوق السطوح
واحده بتلطم على جوزها
والتانيه على ولدها بتنو ح
بعتو الكلاب تسكت النسوان
حتى الحزن عندنا ماهو مسموح
الكل يصرخ ليه بيحصل كل ده
سكتو لما سمعو الندا
نادى المنادى على عم همام
واعلن عليه الاتهام
ايه جريمتو
انو بيحلم فى بلد بتصادر الاحلام
انو عايز يكون انسان
بلدنا عامله زى شرموطه
واحنا رجالتها شغلانتنا نمسك الفوطه
للى جاى من العرب ومن العجم
تصرخ بلدنا من الالم من ذلها
فى كل يوم ينزف فيه دمها
تفتكر يوم عزها
ايام ما كان ليها شرف
باعوه ولادها بالدولار وبالدينار
فضلت بلدنا مستنيه البطل اللى ياخدلها بالتار
ويمحى عنها العار
بلدنا كانت بنت بكر صغيره
واقفه على الشط متحيره
اغتصبوها
واحنا بنتفرج من ورا الستاره
وبنمصمص فى شفايفنا بمراره
ليه يا بلدنا بتكرهينا
ليه لما ييجى الغريب بتكرميه
واحنا ولادك بتهينينا
ليه لما ضاع دمنا فى لحظة جنونك
واما قلنا دى امنا رمتينا فى سجونك
وطلعنا وحلفنا مانلاقى فرصتنا لنخونك
بس ما قدرناش وما عرفناش
علشان حبك اتولد فى قلوبنا وعاش
ونرجع نحبك ونحبك ونحبك
مع انك ما ادتينا الا همك الا غلبك
بس برضو هنفضل نحبك